Том Колинс (Tom Collins), пријатен коктел од џин, сок од лимон, едноставен сируп. Првиот пишан рецепт за овој пијалок е од 1876 година (прав дедо), од таткото на американската миксологија – Џери Томас. Иако едноставен, јас доста се изнамачив додека не најдов вистински баланс на компонентите за овој коктел.
Ќе Ви бидат потребни:50ml џин
30ml сок од лимон (свежо исцеден)
20ml едноставен сируп (50%шеќер, 50%вода)
мраз и кисела вода
Во шејкер ставете 4-5 коцки мраз, па додадете џин, сок од лимон, сируп и мешајте околу половина минута. Коктелот може да го сервирате во висока (Колинс) чаша или во коктел чаша на сталак. Наполнете ја чашата со мраз до горе и процедете ја содржината од шејкерот во чашата. 
Дополнете до горе со кисела вода и декорирајте со парче или круг од лимон или со една мараскино цреша. Пијте го додека сеуште „жубори“. На здравје!
Ваш коментар:
