Ова не се класични лазањи, тие се прават со болоњезе сос и бешамел. Овие лазањи се малку "развеселени" со бои и нови вкусови.
- пакување лазањи (што не се варат)
- зеленчук по желба (морков, млад кромид, тиквица, спанаќ, пченка)
- вегета, сол, бибер, 2 чешниња лук
за бешамел сос:
- 700 мл млеко
- 3 супени лажици брашно
- малку путер или маргарин (50 гр)
морковот и младиот кромид и се
додава меленото месо. Се додаваат сол, бибер, вегета, зачини по желба и ситно исечкан лук и се динста 15-ина минути (се додава малку вода, да не биде многу суво)
Спанаќот се бланшира 3 минути во солена вода, се цеди и се сечка на парчиња.Пченката се обарува во вода околу 5 минути и се цеди.
Тиквичката се сече на тенки парчиња по должина и се пропржува на малку зејтин.
Бешамел сосот се прави лесно: на тивко се топи путерот и се додава брашното, малку се запржува, ама не смее многу да потемни, се додава млекото, постепено, се додека не се згусне како пудинг. Се додава малку сол.
Сега почнуваме со редење на лазањите: плехот за печење го намастуваме со малку зејтин и ставаме тенок слој од бешамел сосот. Корите за лазањи се редат да ја покријат целата површина на плехот (можат да се поклопуваат или можат да се кршат до потребната димензија)
Врз корите се става уште еден слој од бешамелот и врз него се истура половината од меленото месо. Врз месото повторно редиме од лазањите и врз нив слој од бешамел. Спанаќот се реди врз бешамелот и врз него се става пченката.
Потоа следува уште еден слој лазањи, па бешамел, па другата половина од меленото месо и врз него се редат печените тиквички. Се става и последниот ред од лазањите и убаво се покрива со бешамелот. Се пече на 200°С околу 30 мин. Пред крај на печењето лазањите се посипуваат со рендан кашкавал или сирење. Се оставаат во исклучена рерна уште 10 минути и уште 10 минути надвор од рерната, малку да се оладат, за да можат полесно да се сечат.
Се сечат на парчиња 10x10 цм и се сервираат.
Ваш коментар:
