Пинаколада (Pina Colаda) е сладок коктел на база на рум, сок од ананас и млеко/крем од кокос. Најчесто се приготвува во блендер или во шејкер. Пинаколадата е официјален пијалок на Порторико, каде во 1954 година е и за прв пат направена.
Оригиналниот рецепт содржи 30мл бел рум, 30мл крем од кокос и 90мл сок од ананас. Јас за овој рецепт ќе користам млеко од кокос а исто така ќе додадам и 30мл зачинет, домашен рум. Доколку сакате коктелот да биде „послаб“ слободно намалете ја количината на рум.
1. Во шејкер додадете 4-5 коцки мраз.
2. Врз мразот истурете по 30мл бел рум, домашен рум и млеко од кокос.
3. Додадете 90мл сок од ананас и енергично мешајте околу 45 секунди.
4. Добро оладената кремаста смеса се процедува во ниска чаша (во која може да се стават и неколку коцки мраз) и се декорира со парче ананас.
Овој пијалок може да се сервира и во висока чаша на сталак (за коктели), а декорацијата може да се дополни и со една цреша.
Овој коктел светска слава стекна откако се појави песната на Руперт Холмс – „Escape”,... сигурно ја знаете...
Ваш коментар:
