Куба Либре (Cuba Libre), еден од најпознатите, најосвежителните и наједноставните коктели. Има повеќе приказни за потеклото ......но мене најмногу ми се допаѓа онаа дека се појавил во почетокот на 20 век, во Хавана, а го измислиле патриотите кои и помагале на Куба во Шпанско-Американската војна. Во Америка овој пијалок е попознат како Рум и Кола.
Порано, овој пијалок се сметал за егзотичен бидејќи наместо Кока кола се правел од сируп од Кола ореви и Кока листови.
1. Исцедете еден лајм (зелен лимон) и истурете го во висока чаша врз 3-4 коцки мраз.2. Додадете 50мл бел или зачинет рум (по вкус). Зачинетиот рум ќе му даде на пијалокот повеќе арома и вкус, а белиот ќе го направи поосвежителен.
3. Дополнете ја чашата со Кока Кола или Пепси и уживајте.
Румот користен во овој рецеп, за кој не треба да Ви кажувам дека е еден од најпознатите алкохолни пијалоци на светот, традиционално се произведува од шеќерна трска односно од меласа добиена од шеќерна трска. Во времето на прохибицијата во Америка, Куба Либре (Рум и Кола) бил меѓу малкуте „горива“ кои можеле да се најдат на улица.
Ваш коментар:
