Цвет погача

                                                                                    

Мерките за оваа погача си ги прилагодив за моите потреби, значи мала погача е, а вие можете да ја направите од дупла доза и со поголем број на "ливчиња"
















Мерки за мала погача (пола доза)
- 1/2 квасец
- 150 мл млеко
- шекер, сол
- 350 гр брашно
- 1 јајце
- 100 гр стопен маргарин


Квасецот се става во топло млеко со 1 лажица шекер и 1 лажица брашно и се остава 10 минути.

Во брашното се става 1 лажичка сол, се меша квасецот, се додава стопениот маргарин и 1 јајце. Се добро се замесува и се остава еден саат да стасува на топло.









 

Од тестото, кое сега треба да е дупло поголемо, се прават 6 топки. Едната топка се развлекува со сукало во тенка кора.

 

Округлото тавче во кое ке се пече погачата се мачка со маргарин (кога правам мала погача, користам широко и плитко тенџере).
Е сега, на средина на намачканото тавче се става ниска чаша или некој сад и врз него се става расуканата кора. Потоа околу чашата се редат останатите 5 топки тесто. Треба да се наредат симетрично, може да има и простор помеѓу нив, после во текот на печењето ке се рашират.

Кората која се наоѓа во средината се сече на 5 триаголници и со секој триаголник се поклопува по една топка.

Се вади чашата од средина и се остава погачата да стасува на топло уште 30 мин.

Потоа погачата се премачкува со разматена жолчка и триаголниците се посипуваат со семки по желба. Јас имав сусам, семки од лен, едниот триаголник го посипав со буковец .... може да се стави афион, крупна сол, црн сусам, сончоглед ....
Се пече на 200 ⁰С  15 мин, потоа се намалува температурата и се пече на 150⁰С уште 30 мин.

Погачава ја правев на Велигден, затоа мораше да биде декорирана со јајце ;)

---

Ваш коментар: