Сендвич со сланина, салатка и домат + јајце и кашкавал. Деца, нема да ве лажам, сендвичов има околу 3,4 милиони калории ама дефинитивно вреди да се проба.
(а не знам зошто се вика BLT )
Овој сендвич го правел Иле, значи ова е машки сендвич.
Ова е неговото "оправдание": "Замислете, се враќате дома после тежок ден на работа. Гладни, жедни... сакате нешто добро да јадете. Е сега замислете го сендвичов и ладно пиво."
Јас не пијам пиво, ке го замислам со Coca Cola за да заокружам на 3,5 милиони калории
1 убаво лепче (во случајов користиме средна „босанка“)
150g сланина
100g млечен кашкавал1 домат
2-3 листови зелена салата
1 јајце
30ml мајонез
Упатство:
1. Пресечете го лебот на половина. Можете да користите и две кришки од некој добар, ароматичен леб или онаков каков што Ви е омилен.
2. На горната страна од лебот наредете исецкан кашкавал и ставете го во рерна (на 150˚С) за да се растопи кашкавалот.
3. На долната страна од лебот намачкајте мајонез, па наредете патлиџан сецкан на тркалца и малку посолет.
4. Пропржете 10-ина тенки парчиња сланина и наредете ги врз доматот.
5. Испржете едно јајце на око (од двете страни) и ставете го врз сланината. Врз сланината ставете неколку листови зелена салата.
6. Комплетирајте го сендвичот и пресечете го на половина за да се видат сите слоеви.
Со овој рецепт Ви предлагаме да се напиете грч ладно македонско пиво. Уживајте!
Ваш коментар: