Ова би требало да е нешто како варен ѓеврек, само дебел.
Никогаш не сум сакала варен ѓеврек, ама кога случајно на ТВ видов како се прават, посакав да ги пробам.
А багелот или бејгл, кој како сака, има богата историја и е популарен во многу земји и постојат многу негови верзии. Ама за историјата ке пишувам друг пат, сега ке го спремаме за јадење.
За 8-9 парчиња ни треба:
1/3 свеж квасец
1 супена лажица сол
2 дл вода
1 лажица зејтин
сусам, афион и разни семки по желба
Во 2 дл вода се меша квасецот со 1/2 лажица шекер. Се остава да стои 10 минути, додека квасецот нарасне.Во еден сад го ставаме брашното, по една лажица шекер и сол, се истура квасецот и зејтинот и се замесува тесто. По потреба се додава уште вода.
Замесеното тесто се дели на 9 дела, од секој се прави топка, се покриваат со влажна крпа и се оставаат да стојат околу 15 мин.
Секоја топка тесто се развлекува во како кобасица која треба да биде подолга од двете дланки кога ке ги ставиме една до друга.Зошто?...Па, има "финта" за правење на ѓевречињата :) тестото мора да се "сврти" околу дланката :)
Вака направените "бејглс' се оставаат во плех уште 10-тина минути, повторно прекриени со крпа.За тоа време во тенџере се загрева вода во која сме ставиле малку шекер и кога водата ке почне да врие, ги ставаме ѓевречињата да се варат, по 1 мин од секоја страна. Се вадат од водата, се оставаат малку да се исцедат и се посипуваат со семки по желба или се премачкуваат со јајце.
Се печат 20 минути на 220°.
Ваш коментар:
