Генијална новогодишна идеа за декоративни бисквити.
Потребно е
-тесто за бисквити
-класични тврди бомбони во разни јаки бои
Tестото за бисквити можете да го подготвите според вашиот омилен рецепт, или според нашиот за кој зборувавме овде.
Со калапче или со чаша направете бисквити во било која форма и во внатрешноста со помало калапче направете дупка. Ставете 2-3 бомбони од иста боја во мало кесиче и здробете ги, не мора многу ситно. Наредете ги бисквитите во плехот во кој ќе ги печете и во дупката ставете мало купче од здробените бомбони.
Печете според рецептот, околу 12-14 минути на 180 степени. За време на печењето, здробените бомбони ќе се стопат и ќе се претворат во обоена течност која ќе се разлее рамномерно во дупката во бисквитот. Кога ќе ги извадите бомбоните од рерна и ќе ги оставите да се изладат, по неколку минути таа течност повторно ќе се стврдне и ќе се добие ефект на обоено проѕирно стакленце.
На овие слики ефектот е послаб бидејќи употребивме жолти бомбони. Вие потрудете се да најдете бомбони во јаки и интересни бои. Ефектот е гарантиран!Ваш коментар:
