Расцветан кромид - Blooming onion

Расцветан кромид не ми звучи убаво, јас ке си го викам Blooming onion, некако поелегантно е.

Елегантно изгледа, вкусот е фантастичен, брзо се прави ... тие
што го пробаа беа одушевени

Може да се прави во секое време, состојките потребни за ова интересно мезе или предјадење  секогаш ги имате дома






- една поголема главица кромид
- 1 јајце
- малку брашно
- зачини по желба (јас ставив оригано, лук во прав, бибер, чили, жолта сол)
- сол
- зејтин

За сосот кој фантастично одговара со похуваниот кромид ви требаат сенф и мед.





 Главицата кромид се лупи, ама се внимава да остане "коренот" за да може да го држи кромидот кога ке расцвета. Се сече 1цм од коренот, прво на 4 дела, па тие 4 дела на пола, па тие на пола и се добиваат 16 дела.



Тие 16 дела внимателно ги двоиме и ги посипуваме со брашното во кое претходно сме ги измешале сите суви зачини.
Брашното се посипува помеѓу секој слој од кромидот за да може поубаво да се одвојат слоевите кога ке се потопат во јајце.

Набрашнетиот кромид се потопува во јајце изматено со малку млеко, добро се цеди, пак се посипува со брашно и повторно се потопува во јајце.

Се пржи во добро загреан зејтин во длабок сад, по 3 минути од двете страни. Прво се става со расцветаниот дел надолу, а после се врти.





Се сервира топол или ладен со сос направен од сенф и мед, на кој по желба може да му се додаде малку чили.




Ваш коментар: